Tokante AAC

Asosiashon pa Autismo Curaçao a wòrdu lanta na 1998 pa un grupo di mayornan di muchanan ku outismo. Pues e ta un asosiashon di mayornan i hendenan ku outismo, ku ta sali na vanguardia di esnan ku outismo. Miembronan tambe ta inkluí terapistanan, maestronan di skol i hendenan den kuido, ku tin haber ku hendenan ku outismo.

Metanan di AAC

• Duna sosten na hendenan ku outismo i nan famianan
• Yuda promové e konsiensia den komunidat pa loke ta outismo
• Promové desaroyo di konosementu di outismo bou di profeshonalnan médiko, den kuido i den enseñansa pa por yuda guia e persona ku outismo i nan famianan.
• Promové pa tur hende ku outismo por hiba un bida felis i harmonioso den nos komunidat.

Kontakto i Sentro di Informashon

AAC tin sentro di informashon pa:
• Si bo ke sa mas tokante di outismo
• Si bo tin preguntanan spesífiko tokante outismo
• Si bo ke papia ku mayornan tokante terapianan pa outismo
• Si bo ke informashon tokante outismo i edukashon

Pa kualkier pregunta tokante outismo, kontakta nos.

 

Comments are closed