Light it blue!

light-it-upLight It Up Blue! (LIUB) ta tuma lugá anualmente dia 1 i 2 di aprel ku e meta pa pidi atenshon pa outismo na nivel mundial.

Riba e anochi di 1 di aprel, e komienso di Autism Awareness Month i riba 2 di aprel, World Autism Awareness Day, mundialmente monumentonan, stadionnan di deporte, brùgnan, universidatnan, pakusnan i edifisionan di komersio, ta wòrdu iluminá blou. Esaki ta e manera pa mustra embolbimentu i yuda krea konsiensia pa outismo. E asosiashon di mayornan na Kòrsou “Asosiashon pa Autismo Curaçao” (AAC), ke pidi atenshon e aña aki pa outismo den e sektornan di edukashon i di salubridat. Nos tema ta:

                                         Diferente. Mesun importante.

 

world-autism-logoDurante luna di aprel AAC ke ofresé e posternan “Outismo i abilidatnan di e dosente” i “Kon bo por rekonose outsimo” na e diferente direktivanan di skol i institutonan di kuido i salu.

Komo parti di e kampaña di konsientisashon riba 2 di aprel 2015 lo tin e siguiente aktividatnan:

  • Dia di deporte pa hendenan ku outismo na SDK, organisá pa SGR-Groep (Het Savaanhuis i MOZ)
  • Mainta 10:00 or AAC tin un sita ku Presidente di Staten pa entreg’é e promé posternan di e kampaña i pa un enkuentro pa papia tokante outismo i su konsekuensianan.

Tambe lo tin un resepshon pa miembronan i invitadonan di 18:00 pa 19:30 na restorant La Bahia, Hotèl Otrobanda. Durante e resepshon Punda i Otrobanda wòrdu iluminá blou pa di promé biaha i e posternan lo wòrdu presentá ofisialmente

 

Comments are closed